Un novo premio nos xogos de azar recaeu na localidade de Sanxenxo. O sorteo do Gordo da Primitiva, celebrado este domingo 24 de xullo, deixou un premio de 192.365 euros.
É a contía que repartiu o boleto selado no punto de venda situado na cafetería Gran Suqui, situada no Paseo de Silgar número 10 e cuxa titular é Eva María Quiñones Bea, segundo informou o organismo que impulsa este sorteo, Loterías e Apostas do Estado.
O agraciado ou agraciada con este premio, que se descoñece se é veciño do municipio ou un dos miles de turistas que pasan as súas vacacións na vila. O único seguro é que tivo que selalo esta mesma semana.
Para iso, acertou os cinco números da combinación gañadora: 20, 23, 39, 48 e 53.
Non logrou o gran premio ao non atinar co número do reintegro, que foi parar ao número 3, pero ao non haber acertantes de primeira categoría aumentou a contía do boleto premiado en Sanxenxo.