A situación na residencia de maiores Soremay de Pontevedra segue empeorando co paso das xornadas.
Segundo confirmou este sábado 5 de decembro o Servizo Galego de Saúde (SERGAS), nas últimas horas sumáronse 13 novos contaxios de Covid entre usuarios do centro e 7 máis de traballadores.
Desta forma o gromo de coronavirus na residencia conta xa con 57 casos activos, repartidos entre 40 ususarios afectados e 17 dos traballadores.
Por outra banda segue preocupando a situación na Residencia Pontevedra de Vilaboa e na Residencia DomusVi Ribadumia. Na primeira delas, a pesar de saír do cómputo 3 usuarios do centro, mantéñense como activos 51 casos de Covid, 37 deles correspondentes a usuarios e 14 a traballadores.
En canto á DomusVi de Ribadumia conta con 28 casos repartidos entre os 15 rexistrados en usuarios e 13 entre os seus empregados.