Os técnicos da sociedade estatal Aguas das Cuencas de España (Acuaes), decidiron que a nova canalización do abastecemento salve o río Lérez por debaixo da canle fluvial.
Ante a gran cantidade de rocha aparecida nas primeiras sondaxes, os enxeñeiros municipais suxeriran cambios no trazado previsto no proxecto orixinal para que as canalizacións fosen pegadas á pasarela xa existente.
Finalmente Acuaes decidiu manter a idea orixinal e non variar o plan destes traballos, incluídos no macroproxecto que afecta a Pontevedra, Sanxenxo, Poio, Vilaboa e Marín.
O investimento global previsto para toda esta actuación é de 39,9 millóns de euros.