O número de parados rexistrados nas oficinas dos servizos públicos de emprego (antigo Inem) aumentou en 3.371 persoas en outubro na provincia de Pontevedra respecto ao mes anterior, ata situarse o total de desempregados en 89.737, segundo os datos que publica este martes o Ministerio de Emprego e Seguridade Social.
Mentres, a evolución do desemprego na provincia entre o mes outubro deste ano en comparación con outubro de 2014 reflicte unha caída en 8.587 persoas, do 8,73 %.
En concreto, a capital provincial pechou o mes de outubro con 7.335 persoas sen emprego, 159 máis que o mes anterior, unha evolución similar á sufrida no resto de municipios da comarca, salvo nos casos de Barro, onde se mantivo estable, e Campo Lameiro e Portas, onde diminuíu lixeiramente.
| Octubre 2015 | Setembro 2015 | Variación | |
| Pontevedra | 7.335 | 7.179 | 159 |
| Barro | 374 | 374 | 0 |
| Bueu | 975 | 919 | 56 |
| Caldas de Reis | 970 | 925 | 45 |
| Cambados | 1.328 | 1.204 | 124 |
| Campo Lameiro | 181 | 185 | -4 |
| Cotobade | 397 | 368 | 29 |
| Cuntis | 460 | 414 | 46 |
| O Grove | 981 | 803 | 178 |
| A Illa de Arousa | 364 | 324 | 40 |
| A Lama | 248 | 208 | 40 |
| Marín | 2.140 | 2.101 | 39 |
| Meaño | 525 | 448 | 77 |
| Meis | 499 | 429 | 70 |
| Moraña | 469 | 448 | 21 |
| Poio | 1.482 | 1.365 | 117 |
| Ponte Caldelas | 646 | 611 | 35 |
| Portas | 285 | 301 | -16 |
| Ribadumia | 443 | 396 | 47 |
| Sanxenxo | 1.437 | 1.183 | 254 |
| Vilagarcía de Arousa | 4.088 | 3.880 | 208 |
| Vilanova de Arousa | 953 | 925 | 28 |
GALICIA
En canto á comunidade galega, o número de parados rexistrados aumentou en 6.355 persoas en outubro en Galicia respecto ao mes anterior. Isto sitúa o total de desempregados en 222.092.
O dato interanual reflicte unha caída en 21.952 persoas, do 9%.
ESPAÑA
No conxunto estatal, o paro subiu en 82.327 persoas en outubro, un 2% en relación con setembro, ata 4.176.369. Este repunte, co que se encadean tres meses consecutivos de ascensos, supera o rexistrado en outubro de 2014 (79.154 parados máis) pero é inferior aos ascensos experimentados en 2013, 2012 e 2011.