A plazuela coñecida como Rosa dos Ventos, situada no paseo de Silgar, transformarase mañá nun centro de observación astronómica.
Alí, veciños e visitantes poderán utilizar dende as 22.30 ás 00.00 horas os telescopios que instalará o Observatorio Astronómico Ramón María Aller da Universidade de Santiago de Compostela co obxectivo achegar a ciencia astronómica a toda a sociedade.
Esta actividade, dirixida a todos os públicos e coordinada pola Concellaría de Medio Ambiente, está incluída en 'Todocosmos', o programa de divulgación da USC, financiado pola Fundación Española para a Ciencia e a Tecnoloxía, e no que participan sete municipios galegos.