Para o Partido Popular a compra do convento de Santa Clara por parte do Concello é unha "muy buena noticia" para Pontevedra. O seu portavoz, Rafa Domínguez, sinalou "con rotundidad" que esta adquisición é beneficiosa para os intereses dos pontevedreses.
O prezo de compra pactado, uns 3,2 millóns de euros, "nos parece adecuado", engadiu Domínguez, que con todo advertiu que o seu apoio non é unha "carta branca".
A este respecto, o líder dos populares en Pontevedra esixiu "respuestas" e demanda coñecer a que se vai a dedicar Santa Clara unha vez pase a mans municipais. Entre os posibles usos, suxeriu cedelo ao Museo ou convertelo nunha biblioteca municipal.
Ademais, Rafa Domínguez espera que o executivo local desvele en que estado se atopa o convento e o custo que terá a súa remodelación, ao entender que pode ser "sumamente elevado", ou con que administracións vai colaborar o Concello.
Domínguez confía en que se poida abrir a horta e os xardíns do convento á cidadanía para "que sea de todos los pontevedreses" e se aproveite da mellor forma posible.
Antes de concluír a súa comparecencia, o portavoz do PP reiterou o seu apoio a esta compra porque "prefiero ser alcalde con un convento formando parte del patrimonio de todos".
Engade Pontevedra Viva como fonte preferida de Google de balde
Mantente informado coas últimas noticias de actualidade.