A habilitación de vías sanitarias libres de lombos e que faciliten o transporte de enfermos aos hospitais da cidade volverá estar enriba da mesa do próximo pleno municipal.
Será o Partido Popular o que presentará unha moción respecto diso coa intención de dividir ao recentemente formado goberno local bipartido BNG-PSOE.
"O Partido Socialista ten unha gran oportunidade de demostrar a súa coherencia. Se era bo para os pontevedreses en outubro ou en maio, tamén o debería ser agora", argumenta Rafa Domínguez.
O portavoz do Partido Popular local refírese á moción aprobada en 2016 pleno cos votos a favor do PSOE, por aquel entón na oposición, e tamén ao programa electoral dos socialistas nas pasadas eleccións.
"Non se entendería que cambiasen de opinión só por alcanzar o poder no bipartito", incide Domínguez.
Durante a recente campaña electoral Rafa Domínguez defendeu a necesidade de retirar os lombos das vías sanitarias, e ademais a maiores apostou por revisar o resto de pasos de peóns elevados do municipio para determinar cales sería conveniente manter e cales retirar.