A elección de representantes dos clubs deportivos da cidade dentro da xunta reitora do Instituto Municipal de Deportes (IMD) leva paralizada "desde 2003".
Así o asegura o concelleiro do Partido Popular Tomás Abeigón, quen esixiu unha renovación destes cargos ante "la petición de algunos clubes" e que se abra polo tanto un período electoral.
Pedirano na próxima xunta dun organismo que, insisten, "no vemos con malos ojos que se reforme".
Para os populares o IMD "está escaso de personal, no se corresponde a los tiempos y su web está obsoleta", sinala Abeigón, para quen o mellor modelo sería unha fundación de deportes "con una gestión más ágil y dinámica".
Actualmente a representación dos clubs no IMD corresponde ao Club Piragüismo Ría de Pontevedra, Club Natación Galaico e ACD A Seca, que se suman os representantes dos partidos políticos que compoñen a corporación municipal, FANPA e Xunta de Galicia.