O Boletín Oficial do Estado deste sábado 16 de febreiro publica o anuncio de poxa xudicial en vía de apremio de tres solares no Concello de Pontevedra.
A cantidade reclamada polo Xulgado de primeira instancia número 2 de Pontevedra é de 21.362.247,15 euros. O acredor é o Banco Bilbao-Vizcaya.
A poxa farase en 3 lotes que se adxudicarán de forma separada.
O valor da poxa no primeiro dos lotes supera os 4 millóns de euros e trátase dunha leira urbana de 1.189 metros cadrados situada nos terreos da antiga fábrica de Tafisa, a denominada unidade de actuación número 7 do Plan Xeral de Ordenación Urbana.
O segundo lote corresponde a unha parcela de 2.925 metros cadrados e está valorada na poxa en máis de 9,6 millóns de euros.
E finalmente, o terceiro dos lotes ten un valor de poxa superior aos 2,9 millóns de euros por un solar de 1.051 metros cadrados nos terreos da antiga fábrica de taboleiros.
Engade Pontevedra Viva como fonte preferida de Google de balde
Mantente informado coas últimas noticias de actualidade.