Para celebrar o Día da Nai os comercios de Ponte Caldelas prepararon unha xornada especial o próximo 6 de maio, con prezos especiais e actividades para os pequenos co obxectivo de que os maiores poidan realizar compras con maior comodidade.
A Alameda da localidade contará coa instalación de inchables e a realización de obradoiros de 11:00 a 14:30 e de 16:30 a 19:30 horas.
A xornada, organizada pola Asociación de Comerciantes (Coempo) e o Concello, concluirá coa representación da obra teatral 'O anel máxico' no auditorio do colexio Cordo Boullosa.
PREMIOS AO CARTEL E FOTOGRAFÍAS DA FESTA DA TROITA
Os gañadores do concurso de carteis e fotografía da LI Festa da Troita recibiron este xoves os seus premios e a felicitación do goberno local, que se declarou "satisfeito" coa calidade dos traballos presentados.