Efectivos do Corpo de Bombeiros de Pontevedra tiveron que intervir de urxencia na tarde deste sábado en Pavillón Municipal de Deportes ante o desprendemento de parte da cuberta, para evitar potenciais situacións de perigo.
Por motivos que se descoñecen, algúns ferros soltáronse e había risco de que caesen ao chan, de modo que os bombeiros, alertados pola Policía Local de Pontevedra, acudiron ao lugar para retirar as mási inseguras e, desta forma, garantir a seguridade na contorna.
O pavillón está este verán en obras co obxectivo de renovar a cuberta e instalar unha nova que siga o deseño inicial do arquitecto Alejandro de la Sota. Para iso, é necesario desmontar a vella, fabricar unha nova e instalala, de modo que o prazo de execución inicial previsto era de dous meses, isto é, polo menos ata o mes de setembro.