Esta semana desenvólvese unha nova operación de limpeza por parte da concellería que xestiona o concelleiro Raimundo González. Nesta ocasión, acometerase no lateral dos edificios da avenida das Corbaceiras.
Esta limpeza realizarase na madrugada do xoves 24. A zona de estacionamento permanecerá valada desde esta tarde prohibindo o aparcamento nas horas anteriores aos traballos. Os vehículos que permanezan estacionados na zona serán retirados polo guindastre municipal.
Os traballos desenvolveranse con máquinas de varrer e limpadoras de auga a presión tanto na beira como na beiravía e na calzada, polo que a concellería de Limpeza Viaria solicita a colaboración dos residentes e tamén dos condutores para garantir un bo resultado neste operativo. Ademais, piden desculpas desde o Concello polos inconvenientes que se poidan ocasionar por estes labores.