Os Bombeiros de Pontevedra sufocaron un incendio nun cuarto piso do edificio número un da rúa Conde de Bugallal, á altura dos xulgados da Parda.
O suceso tivo lugar este mércores sobre as 21.15 horas.
O lume iniciouse nun colchón que se atopaba en contacto cun foco encendido.
Foi un veciño quen alertou do lume. Os bombeiros acudiron co camión escaleira. A súa rápida actuación evitou que as chamas se estendesen ao resto do inmoble que tan só resultou afectado polo fume.
A vivenda atopábase deshabitada no momento do suceso.