A asemblea veciñal convocada pola Comisión para o Desenvolvemento Socioeconómico de Vilalonga (Codesevi) reuniu a máis de 400 persoas que abordaron, no campo de fútbol de San Pedro, unha serie de propostas para revitalizar a súa parroquia ante o declive social e económico que sofre nos últimos anos.
Desta asemblea saíron tres propostas principais, a primeira é a humanización da avenida do Vilar, que atravesa Vilalonga desde a igrexa, un tramo de medio quilómetro da estrada autonómica PO-550. Con beirarrúas grandes que conviden o paseo e a facer compras. Tamén queren que xunto á reforma da praza se dote de prazas de aparcamento.
En segundo lugar, reclaman a conexión co polígono empresarial de Nantes.
E, finalmente, queren que Vilalonga teña un centro de maiores.