A Festa do Viño de Barro acada a súa cuadraxésimo sétima edición entre os días 18 e 21 de xuño co recinto do Pazo da Crega como escenario principal.
A programación comeza o xoves 18 ás 17:00 horas no pavillón municipal con inchables gratuítos para o público infantil. A actividade trasládase ás 20:00 horas ao campo do Outeiro, onde se disputarán partidos de fútbol das categorías base do Barro CF.
A apertura do despacho de viño no Pazo da Crega realizarase ás 21:00 horas e prolongarase ata a 01:00 da madrugada.
A primeira xornada musical, denominada 'Xoves do Viño', inclúe a presentación e degustación das adegas de Barro e o concerto de Jorge Menéndez a partir das 22:30 horas.
O venres 19 continuarán os encontros de fútbol base ás 18:00 horas. A programación cultural iniciarase ás 20:30 horas coa actuación do Grupo de Danzas Amor Ruibal de Barro, que precederá á inauguración do XIX Certame de Viños da Denominación de Orixe Rías Baixas.
Celso García Alonso será o encargado de ler o pregón ás 21:00 horas, acto que contará co acompañamento musical do grupo Son das tabernas.
Durante o venres, o horario de venda de viño estenderase desde as 21:00 ata as 03:00 horas.
As formacións La Mecánica e Panorama City protagonizarán a primeira verbena da Festa durante o venres a partir das 22:30 horas.
O sábado 20 concentrará varias das propostas deportivas e culturais da celebración:
-
17:00 h: Fase final en categoría Senior do XI Torneo de Tenis Festa do Viño.
-
17:00 h: Nova xornada de partidos de fútbol base no campo do Outeiro.
-
18:00 h: Concerto da Coral Polifónica de Barro no Pazo da Crega.
-
19:00 h: Festival do Grupo de Danzas Amor Ruibal diante do centro cívico.
-
20:00 h: Sesión musical a cargo de Xabi DJ coa unidade móbil Duendeneta.
A venda de viño realizarase en dúas quendas: de 12:00 a 15:00 horas e de 18:00 a 03:00 da madrugada. A noite pecharase coa verbena das orquestras Marbella e América de Vigo, que comezará ás 22:30 horas.
A xornada de clausura do domingo 21 de xuño abrirase ás 10:30 horas no Pazo da Crega coa celebración en paralelo da cata de viños albariños da D.O. Rías Baixas e a cata de viños caseiros. Á mesma hora comezará a xuntanza de coches e motos clásicas, mentres que a animación musical polas rúas correrá por conta da charanga Alambique desde as 11:30 horas.
O recinto do Pazo albergará ás 12:00 horas a tradicional sardiñada con viño de balde para todas as persoas asistentes. Os horarios de venda de viño establécense na última xornada de 11:00 a 15:00 horas, momento no que se celebrará o Xantar da Festa do Viño, xusto despois da entrega de trofeos programada para as 13:30 horas.
O punto final da corenta e sete edición da festa chegará ás 20:00 horas co concerto de Fátima Pego, quen actuará xunto á Banda de Música Xuvenil de Barro e os gaiteiros Felipe Rea e Borja Becerra. O xornalista e escritor Xurxo Souto será o encargado de presentar esta última cita do programa.