A menos de venticuatro horas de que se celebre un novo campionato de caza de raposos no termo municipal de Cerdedo-Cotobade, a Asociación Animalista Libera e a Fundación Franz Weber dirixiron un escrito á Subdelegación do Goberno en relación á seguridade cidadá no que piden que se garanta a seguridade e integridade das persoas que queiran participar de protestas.
Neste sentido tanto LIBERA! como FFW denunciaron as ameazas de sancións por parte do "lobby procaza", que tenta "ocultar todo o que sucede ao redor dos seus pseudocompeticiones".
Ambas as organizacións esperan que a Subdelegación "demostre máis sensibilidade que a Xunta, auspiciadora, xunto á Federación Galega de Caza, de decenas de “campionatos” autorizados desde 2011, que deron como resultado a morte de centos de raposos sen ningún tipo de aval científico nin, por suposto, social".