Os parques infantil e biosaludable de Río de Bois, en Samieira, xa están abertos ao público.
O Concello de Poio e a Comunidade de Montes Veciñais en Man Común de Tarrío asinaron un convenio que permitirá integrar estas zonas de lecer na rede municipal.
Así, tanto a veciñanza de Samieira como o conxunto da cidadanía poderán gozar do terreo e dos elementos instalados.
O alcalde, Ángel Moldes, asinou o convenio co presidente da xunta reitora da asociación, José Manuel Balboa.
Explicou que a incorporación destes espazos á rede municipal "permitirá non só abrir estas instalacións para o goce de todo a veciñanza, senón tamén garantir que teñan continuidade no tempo".
Segundo indicou, ao pasar a formar parte da rede de parques infantís e áreas biosaudables do municipio, recibirán o mesmo nivel de atención e mantemento que o resto de equipamentos públicos.
O convenio terá unha duración de catro anos e non implica contraprestación económica para ningunha das partes.
Durante ese período, o Concello poderá levar a cabo todas as actuacións necesarias para conservar os parques en perfecto estado de uso e seguridade, incluíndo labores de revisión, mantemento e posta a punto.
Así mesmo, o goberno local avanza na construción da primeira área de xogo pública de Samieira, que estará situada na praza Alfredo Romay.
Engade Pontevedra Viva como fonte preferida de Google de balde
Mantente informado coas últimas noticias de actualidade.