Poio volve colgar o cartel de "completo" para a celebración da III Xuntanza de Maiores, que terá lugar este domingo 19 de abril na Seca, convirtiendola no punto de encontro para ao redor de 500 persoas.
Esta iniciativa posta en marcha polo Concello, nas súas tres edicións, conseguiu consolidarse como un evento esperado polo colectivo de persoas maiores do municipio.
A carpa instalada na Seca acollerá unha xornada de convivencia e goce, na que participarán maioritariamente veciños e veciñas de Poio, aínda que tamén se sumarán asistentes procedentes doutros municipios.
O programa inclúe unha comida con prezo de 25 euros por comensal, na que se servirán callos, carne ao caldeiro, bebidas e sobremesa.
Tras a comida, a tarde continuará cun ambiente festivo marcado polo baile en directo a cargo do Dúo Prisma, que animará aos participantes. Como peche da xornada, celebrarase un sorteo de agasallos cedidos por comercios locais.
O alcalde do municipio, Ángel Moldes, destaca o sentido deste acto ao sinalar que "esta reunión é unha pequena homenaxe a todo o que achegaron ao longo da súa vida e unha oportunidade para compartir momentos de alegría, compañía e agarimo, que é o que realmente importa".
Ademais, lembra que a iniciativa naceu hai tres anos da propia demanda dos maiores: "eles querían reunirse no seu municipio, sen ter que desprazarse a outros municipios da comarca para vivir esta experiencia. Hoxe son eles os anfitrións".
Engade Pontevedra Viva como fonte preferida de Google de balde
Mantente informado coas últimas noticias de actualidade.