O Concello de Ponte Caldelas realizou un total de 38 transferencias das axudas directas para autónomos e pemes co obxectivo de que poidan facer fronte aos seus gastos fixos mensuais.
Estas axudas, que se puxeron en marcha ante a situación os autónomos e as pequenas empresas de Ponte Caldelas que se viron afectados pola crise do coronavirus, son de 400 euros para os que pecharon no momento no que se decretou o estado de alarma, mentres que as de 200 poden solicitala, segundo informan desde o Concello, os que viron reducida a súa actividade.
"O que queremos é que agora poidan facer fronte aos gastos fixos para que cando isto pase poidan volver abrir os seus negocios sen sentirse asfixiados", indica o alcalde de Ponte Caldelas, Andrés Díaz.
A día de hoxe, o Concello recibiu un total de 89 solicitudes: 60 da liña 1 (400 euros) e 29 da liña 2 (200 euros), das cales se realizaron 30 da primeira e 8 da segunda. En canto aos pagos das restantes, irán efectuando segundo váianse completando os expedientes.