O número de parados rexistrados nas oficinas dos servizos públicos de emprego (antigo Inem) subiu en novembro na cidade de Pontevedra ata alcanzar as 6.708 persoas.
En total son 84 desempregados máis que o mes anterior, de modo que a cidade do Lérez suma o seu terceiro mes consecutivo de subida do paro.
| Outubro 2016 | Novembro 2016 | Variación | |
| Pontevedra | 6.624 | 6.708 | 84 |
| Barro | 353 | 356 | 3 |
| Bueu | 843 | 875 | 32 |
| Caldas de Reis | 837 | 870 | 33 |
| Cambados | 1.124 | 1.161 | 37 |
| Campo Lameiro | 161 | 160 | -1 |
| Cerdedo-Cotobade | - | 421 | - |
| Cuntis | 346 | 374 | 28 |
| O Grove | 949 | 1.035 | 86 |
| A Illa de Arousa | 323 | 332 | 9 |
| A Lama | 197 | 198 | 1 |
| Marín | 1.900 | 1.978 | 78 |
| Meaño | 427 | 469 | 42 |
| Meis | 400 | 410 | 10 |
| Moraña | 405 | 398 | -7 |
| Poio | 1.242 | 1.271 | 29 |
| Ponte Caldelas | 576 | 606 | 30 |
| Portas | 224 | 231 | 7 |
| Ribadumia | 365 | 356 | 69 |
| Sanxenxo | 1.245 | 1.390 | 145 |
| Vilaboa | 458 | 471 | 13 |
| Vilagarcía de Arousa | 3.740 | 3.867 | 127 |
| Vilanova de Arousa | 834 | 870 | 34 |
AUMENTA NAS CATRO PROVINCIAS
O paro tamén aumentou na provincia de Pontevedra, en concreto 1.127 persoas máis ou que supón un incremento do 1,41%.
Con todo, a provincia de Pontevedra acumula unha diminución en variación anual de 8.301 parados menos que 12 meses atrás.
Os parados aumentaron nas catro galegas, sobre todo na Coruña (+1.689 e un 2,18% máis), en Lugo e Ourense, o repunte case alcanzou o milleiro de desempregados.
GALICIA
O número de desempregados rexistrados nos servizos públicos de emprego aumentou en novembro en 4.614 persoas en Galicia respecto ao mes anterior, un 2,32 por cento, o que situou a cifra total de parados en 203.554.
Na comparativa co mesmo mes dun ano antes, o desemprego rexistrou unha baixada contabilizada en 21.604 persoas, un 9,60%, segundo os datos publicados hoxe polo Ministerio de Emprego e Seguridade Social.
O desemprego creceu en novembro en todos os sectores en Galicia. O maior destes repuntes mensuais deuse nos servizos, con 3.443 persoas máis sen traballo, de forma que o total ascende a 133.333. Na industria, as persoas en paro subiron en 391, ata 24.164; na construción en 311, ata 21.515 e na agricultura en 299, ata 7.790.
ESPAÑA
Pola súa banda en España o desemprego aumentou en novembro en 24.841 persoas respecto ao mes anterior, o que situou a cifra total de parados en 3.789.823 e marcou o maior incremento nese mes desde 2012.