A plataforma municipal que permite coñecer en tempo real os negocios e comercios activos na cidade de Pontevedra ten xa 158 establecementos, segundo informou o Concello.
Esta ferramenta, ideada pola Iniciativa Local de Emprego (ILES) a pedimento da concellería de Promoción económica, permite aos cidadáns coñecer os servizos que ofertan, entre elas se teñen repartición a domicilio, ou os medios de contacto con cada negocio.
Na lista inclúense os sectores de alimentación, téxtil, informática, electrodomésticos, reparación, servizos médicos, veterinarias, ópticas, limpeza, seguros, asesorías, xestorías, ferraxerías, beleza e benestar, axuda a domicilio, material de oficinas ou creación cultural.
A iniciativa pretende ser un primeiro paso para, no futuro, crear unha APP de comercio local que, ao estilo doutras coñecidas plataformas, facilite a compra de artigos a través de internet.