As obras para converter a praia de Mogor nun areal plenamente accesible este verán finalizaron.
O Concello de Marín informa da conclusión destes traballos, que supuxeron a instalación dunha rampla para facilitar o acceso de persoas con mobilidade reducida.
A actuación, acometida na entrada da praia situada xunto ao Centro de Interpretación de Petróglifos, supuxo tamén a reconstrución das escaleiras de acceso mellorando as condicións de seguridade.
Nas mesmas instalouse unha nova varanda de aceiro Inox.
No que respecta á rampla, trátase dunha pasarela realizada en madeira sintética, un material resistente adaptado á contorna marítima.
As obras foron realizadas pola empresa ROCAS por un importe superior aos 100.000 euros e financiamento do Grupo de Acción Pesqueiro Local Ría de Pontevedra.