A asociación ecoloxista Vaipolorío organiza a primeira xornada de limpeza e inventario de patrimonio etnográfico do tramo rural do río dos Gafos.
Será o vindeiro domingo 26 de novembro ás dez da mañá. O punto de saída será, como de costubre, a estación de autobuses de Pontevedra.
O proxecto consiste na limpeza do patrimonio etnográfico do río (pontes, muíños, canles, entre outros elementos) nos seus seis quilómetros de tramo rural, á vez que se realiza un inventario destes elementos facendo constar datos tales como os toponímicos, as medidas, a súa localización, antigüidade, fotografías, e demais.