Se cada día entras en Google para buscar que está a pasar en Pontevedra, na súa área metropolitana ou nas Rías Baixas, agora podes facer que PontevedraViva apareza con máis frecuencia entre os resultados de noticias.
Google incorporou unha función que permite a cada usuario indicar cales son os seus medios de comunicación de confianza.
Desta forma, cando realices procuras relacionadas coa actualidade, o buscador terá en conta esa preferencia e destacará con maior frecuencia as informacións publicadas por eses medios.
Como engadir PontevedraViva como fonte preferida?
Configurar esta opción apenas leva un minuto e é completamente gratuíto.
É moi sinxelo:
- Entra en Google desde o teu navegador ou desde a aplicación.
- Inicia sesión coa túa conta de Google
- Busca "PontevedraViva".
- Na ficha do medio ou nos resultados de noticias aparecerá a opción "Seguir" ou "Engadir como fonte preferida" (segundo o dispositivo e a versión de Google).
- Pulsa ese botón e listo.
Pero tamén podes acceder directamente á páxina de preferencias de fontes de Google desde cada unha das noticias publicadas por PontevedraViva.
Só tes que pulsar en "Activar agora" no botón que aparece ao final das nosas noticias e, no menú que se abre a continuación, inicia sesión coa túa conta de Google.
A partir de aí, só quedará activar o 'check' azul no cadrado xunto ao nome de PontevedraViva para dicirlle a Google que somos unha das túas fontes preferidas.
Que cambia ao facelo?
Elixir un medio como fonte preferida non significa que Google só vaia mostrar noticias dese xornal. O que fai é ter en conta esa elección para ofrecerche resultados máis acordes cos teus intereses cando busques información de actualidade.
Así, se queres coñecer a última hora de Pontevedra, os sucesos, a política municipal, a cultura, o deporte ou a axenda de lecer, terás máis posibilidades de atopar antes as informacións publicadas por PontevedraViva.
Unha forma de non perder nada
Miles de lectores consultan cada día PontevedraViva para seguir a actualidade da cidade de Pontevedra e de toda a súa área metropolitana.
Engadir o xornal entre as túas fontes preferidas é unha forma sinxela de facilitar que as nosas noticias aparezan cando as necesites.
E se ademais séguesnos nas nosas redes sociais, na nosa canle de WhatsApp ou visitas habitualmente a portada de PontevedraViva, terás sempre a man toda a información de proximidade, explicada con rigor e actualizada ao minuto.
Porque, ao final, as mellores noticias son as que che quedan máis cerca.
Engade Pontevedra Viva como fonte preferida de Google de balde
Mantente informado coas últimas noticias de actualidade.