María González segue achegando en PontevedraViva Radio pautas e consellos para conseguir ese obxectivo que propoñía en Dale la vuelta a comezos de ano: vivir no benestar, ser feliz en definitiva. Para iso hai que tomar conciencia dun mesmo: "axustar" os nosos pensamentos, ser conscientes dos nosos valores, capacidades e o que achegamos á nosa contorna. É fundamental crer en si mesmo e ser un fronte a todo.
A motivación é un motor fundamental no día a día, e se non a hai, María achega sinxelas fórmulas para conducir a esa motivación.
Entre os exemplos prácticos que propón en cada programa nesta ocasión hai un nome propio recoñecidísimo. Madonna foi elixida o pasado decembro de 2016 para recibir o premio Muller do ano nos premios Billboard.
Durante esa gala pronunciou un contundente discurso sobre o sexismo que persiste no negocio da música, e por extensión na sociedade xeral. A pesar dos ataques recibidos por ser ela mesma ao longo de 34 anos como artista, non renuncia a ser como é.
Dobramos esa intervención para que a escoites neste Dale la vuelta.