A actividade física e deportiva, a alimentación equilibrada e unha boa xestión do estrés son os tres vértices que durante o bienio 2016-2018 unen a alumnos e profesores do Instituto Valle Inclán de Pontevedra e o Lycée Felix Faure de Beauvais, en Francia. Trátase do proxecto "Young Europeans in sports YES".
Este mes de febreiro, os mozos franceses han convivido nesta capital galega e contáronnos a súa experiencia nestas Conversas na Ferrería de PontevedraViva Radio.
Durante a semana de estancia, en colaboración co Instituto Carlos Oroza, participaron en talleres de nutrición e alimentación; tiveron ocasión de manter encontros con deportistas profesionais de Pontevedra e realizar talleres de diferentes disciplinas deportivas.
Tamén houbo tempo para coñecer a cidade, actividades de lecer e tempo de convivencia coas familias dos mozos pontevedreses que os acolleron estes días.
Elyse, Paul, Marina, Carlota, Gaelle, Camille, Sofía, Natalia, Lucía, Telmo, Sloran e Hugo, son algúns dos mozos inmersos neste proxecto Erasmus +.