Neste programa de Podcans o educador canino Diego Álvarez da resposta a unha das cuestións trasladada ao mail podcans@gmail.com. No devandito correo electrónico preguntábase pola súa opinión sobre a conveniencia ou non de deixar cans atados fóra dos supermercados ou das cafeterías.
Ademais o estudo de PontevedraViva Radio conta con dous invitados: Bruno e a súa guía Pol, que tamén é propietaria de Pequeniños e Adorables. Unha das cuestións que abordan é por que adoptar e non comprar un can, aclarando nese sentido algúns conceptos erróneos sobre unha e outra opción.
E falando de adopcións, Mostaza é a cadela que esta semana trae Podcans para que poida ser adoptada. Atópase baixo a tutela de Palleiros (657 02 38 31). Ten entre catro e cinco meses. Está aínda sen esterilizar. É sociable con persoas e con cans e gatos.