O edil de Desenvolvemento sostible e Medio natural, Iván Puentes, lembra aos pais que os parques infantís do concello permanecen pechados por motivos de seguridade sanitaria e, a pesar do permiso para que os nenos saian da casa, non se poderán utilizar.
Non obstante, o departamento que dirixe o concelleiro socialista procedeu durante a xornada do venres á reapertura de diversas zonas verdes que estaban precintadas e das que agora os máis pequenos poderán volver desfrutar cos seus familiares.
Entre as áreas de esparexemento das que se retirou o precinto atópanse o parque de Conde Bugallal, a Illa das Esculturas, A Xunqueira de Alba, os paseos do Lérez e Os Gafos e as sendas fluviais.
Con todo, desde o Concello recordan que nenos e pais non poderán afastarse máis dun quilómetro de distancia dos seus lugares de residencia, tal e como estableceu o Goberno central.