Salvamento Marítimo rescatou os dous tripulantes dun veleiro que navegaba á deriva preto do Grove.
Os ocupantes da embarcación solicitaron axuda ás autoridades marítimas ao comprobar que se dirixían cara a unhas rocas e que non poderían evitar a colisión.
O veleiro, de nome Mauritania, atopábase neses momentos nas proximidades do faro Pombeiriño, segundo explicou Salvamento Marítimo.
Desde o centro de coordinación de salvamento de Fisterra enviaron á zona á embarcación de rescate Salvamar Sargadelos.
O veleiro á deriva foi remolcado até o porto da Pobra do Caramiñal.
Os seus tripulantes foron rescatados ilesos.