O avogado do Real Club Náutico de Sanxenxo comunicou este martes a retirada da denuncia formulada por uns dos seus operarios contra tres integrantes da Plataforma SOS Panadeira. O xuízo estaba previsto para o mércores no Xulgado de Cambados despois de ser aprazado nunha ocasión anterior.
A denuncia presentárase o pasado mes de xaneiro por un altercado durante a reanudación das obras do novo peirao.
Ao coñecer a noticia dende a plataforma cidadá reiteraron que a denuncia non tiña sentido "xa que nós eramos os agredidos" e apuntaron que "só pretendían meternos medo, pero nós somos pouco asustadizos porque a razón non ten medo".