A festividade de Todos os Santos e o Día de Defuntos está ao virar a esquina.
Por ese motivo o Concello de Ribadumia pasa estes días revista aos seus cemiterios.
Operarios municipais están a revisar e poñendo a punto os camposantos, tanto no interior dos mesmos como na zona exterior.
En concreto, informa o goberno local, os traballos inclúen roza, baldeo, limpeza de zonas axardinadas e comúns.
Tamén a revisión dos puntos de luz e o acondicionamento xeral das instalacións.
Uns labores cos que tentar ofrecer espazos coidados e accesibles pensando nunha festividade que supón unha importante afluencia aos cemiterios e de gran significado para moitos veciños.
