Seis persoas foron detidas, unha delas en Francia, no marco do operativo despregado este mércores pola Policía Nacional na comarca pontevedresa do Salnés.
Fontes do Tribunal Superior de Xustiza de Galicia indicaron que a previsión é que o cinco arrestados en España pasen o venres a disposición xudicial.
Este dispositivo contra a droga está dirixido pola titular da sección civil e de instrución número 3 do Tribunal de Instancia de Cambados (Pontevedra).
A xuíza decretou o segredo de sumario sobre esta investigación.
Axentes do grupo de resposta especial para o crime organizado, tamén chamado GRECO, da Policía Nacional, son os que desenvolveron este operativo
En total, os investigadores realizaron un total de catorce rexistros nos partidos xudiciais de Vilagarcía de Arousa, Cambados, Redondela, Pontevedra e Cangas.
Un dos máis rechamantes produciuse en Vilanova de Arousa, onde os axentes rexistraron un inmoble situado na Praza do Parque, no medio dunha gran expectación cidadá.