Ribadumia celebra este sábado a diveridad cunha nova edición da Ruada das Gotas.
O evento organizado pola Asociación Gotas reivindica os dereitos das persoas LGTBI e a diversidade afectiva, sexual e de xénero con dignidade e liberdade tamén no rural.
"É un orgullo vivir e reivindicarse nun pobo rural. É un orgullo resistir, existir e amar dende aquí", sinala o manifesto que foi lido para dar inicio á xornada.
"Queremos unha Ribadumia onde as persoas LGBTIQ+ non só poidan vivir con liberdade a súa orientación e identidade, senón tamén envellecer con dignidade, sen medo, con seguridade. Un pobo onde cada nena, mozo ou persoa maior saiba que ten un lugar, que é respectada e valorada tal e como é", afirma a Asociación Gotas.
A lectura do manifesto da Ruada das Gotas contou coa presenza do alcalde de Ribadumia, David Castro, e de a directora xeral de Promoción da Igualdade, María Quintiana.
Unha xornada que contaba con animación musical desde o vermú coa actuación de Catuxa Salom e cun Xantar Diverso.
Xa pola noite, a programación contaba con Guadi Galego, Montedapena e La Yaya Dj.
A actividade aínda continuará este domingo cun concurso de tortillas e novas actuacións a cargo de Nydia e de Chiña.