A Sociedade Cultural Deportiva Salcedo organiza unha das festas máis destacadas, a XII edición do Entroido de Salcedo nas inmediacións do centro social de Salcedo, Casa Verde.
A celebración comezará o sábado 7 de marzo ás 18.00 horas co Festival de Murgas.
Repetiranse varias participacións de murgas do ano 2025, como Equipo Ja, vencedores na 34ª edición do Certamen de Murgas en Pontevedra, A Murga do Naveiro, Murga Val do Lérez e Cantos de Taberna.
O domingo 15 de marzo, os asistentes a esta xornada gozarán dunha nova edición do concurso e desfile de comparsas.
As comparsas e grupos participantes do desfile poderán inscribirse ás 16.30 horas na entrada Almuiña, entre as dúas pontes sobre a autoestrada.
O desfile de comparsas terá lugar ás 17.00 horas, con saída desde O Xistro, pasando por Carballo do Pazo e terminando no centro social Casa Verde.
Posteriormente, ás 19.00 horas, levarase a cabo o Enterro da Pichela. A celebración finalizará ás 19.30 horas coa entrega de agasallos do entroido por categorías e a despedida.
A Sociedade Cultural Deportiva de Salcedo convida a todas as persoas que queiran participar e gozar desta tradición.
Engade Pontevedra Viva como fonte preferida de Google de balde
Mantente informado coas últimas noticias de actualidade.