A Semana Santa 2026 está ao virar a esquina, e en Sanxenxo xa miran cara á programación prevista eses días.
As actividades relacionadas coas celebracións relixiosas arrincarán o sábado 28 de marzo co V Certame de Bandas Confrades.
O evento regresará á súa localización habitual na Praza dos Barcos a partir das 18.00 horas, aínda que antes as formacións realizarán uns pasarrúas polo centro urbano,
Participarán a Agrupación Musical Nª Sª do Nordés (Ferrol), a Sección Musical Vera Cruz (Santiago de Compostela) e a Banda da Confraría de Nto. P. Xesús Nazareno & Sto. Sepulcro (Sanxenxo).
Ese mesmo sábado 28 de marzo terá lugar tamén o pregón da Semana Santa 2026. Será ás 20.45 horas no Templo Pequeno a cargo de Mª Teresa Fernández Talaya, Cronista Oficial da Vila de Madrid, licenciada en Xeografía e Historia e doutora en Historia da arte pola Universidade Complutense de Madrid.
PROGRAMACIÓN DA SEMANA SANTA DE SANXENXO
Domingo de Ramos: A xornada comezará ás 12.30 horas coa bendición dos ramos no atrio do Novo Templo, seguida da procesión ao redor do mesmo e a celebración da Santa Misa. Pola tarde, ás 20.45 horas, o Novo Templo acollerá un concerto de música sacra.
Luns Santo: Ás 20.30 horas sairá do Templo Pequeno o paso de Xesús Atado á Columna coa Confraría do Nazareno e Sto. Sepulcro.
Mércores Santo: Procesión do Santo Encontro, que se celebrará ao redor das 20.45 horas no cruzamento da Rúa Madrid co Paseo de Silgar, seguida da Santo Vía Crucis. Os actos litúrxicos comezarán ás 20.00 horas, seguidos da Procesión do noso Pai Xesús Nazareno.
Venres Santo: Recepción dos Santos Óleos ás 12.00 horas. Pola noite, ás 20.00 horas, celebrarase a Solemne Acción Litúrxica no interior.
Engade Pontevedra Viva como fonte preferida de Google de balde
Mantente informado coas últimas noticias de actualidade.