A Semana Santa de Paradela vive o seu día grande cunha emocionante representación da Vía Crucis

Emoción, fe e paixón a partes aiguales.

Así se vie a Semana Santa de Paradela, que este Venres Santo viviu a súa xornada máis especial coa representación da Vía Crucis.

Un gran número de persoas concentrouse nesta parroquia de Meis para gozar dun evento declarado Festa de Interese Turístico de Galicia, e que nunca deixa indiferente.

Vecinos e visitantes asistiron á representación do xuízo de Xesús ante Poncio Pilatos e Herodes e á flaxelación, participando despois nunha realista Vía Crucis que concluíu coa crucifixión.

O Venres Santo contaba ademais a última hora do día coa representación do desencravo, seguido da procesión do Santo Enterro até a igrexa parroquial.

A Semana Santa de Paradela conta aínda con dúas xornadas máis por diante.

Para este sábado 4 de abril está prevista na igrexa parroquial a Misa de Resurrección, con invitación para os asistentes ao tradicional roscón de Pascua.

Será antes da traca final que suporá o día 5 o Domingo de Resurrección, onde se representará no atrio da igrexa a Resurrección de Xesús.