A tradición oral e a arte floral dos maios volveron a triunfar en Sanxenxo. Foi co tradicional Festival dos Maios.
O certame, organizado polo Círculo Cultural Deportivo Sanxenxo e o Concello, mantense vivo grazas á implicación das asociacións e centros escolares participantes.
Os nenos e as súas coplas foron os grandes protagonistas desta xornada festiva.
Puxeron ritmo sonoro a este festival través do repiquete dos paus e as súas voces a letras xocosas desternillantes, sempre a modo de queixas populares destinadas aos seus gobernantes.
Tras unha primeira exposición matinal na Praza de Pascual Veiga, o cántico das coplas chegou até as instalacións da Cultural, nunha xornada vespertina que serviu para pór en valor a arte e a interpretación dos máis pequenos.
Tras a deliberación do xurado, o primeiro premio foi para a Asociación Soalleira de Dorrón, que obtivo unha recompensa de 300 euros.
O colexio Abrente (250 euros) foi segundo e A Florida (200 euros) terceiro.
Todos os participantes levaron tamén un plus de 50 euros ao colexio ou asociación cultural como axuda pola súa participación.
Engade Pontevedra Viva como fonte preferida de Google de balde
Mantente informado coas últimas noticias de actualidade.