O Multiusos de Arcade foi escenario este venres dunha xornada centrada na terrible situación actual que atravesa Gaza e o pobo palestino.
O Concello de Soutomaior organizou unha charla-coloquio co título 'Desmontando a Israel'.
Dirixido polo alcalde, Manu Lorenzo, o acto contou coa participación de Beatriz Carrasco, de BSD Galiza, e tamén de Mohamed Safa, médico oftalmólogo e escritor.
"A nosa loita é a loita do pobo palestino", asegurou o alcalde agradecendo o apoio dos veciños.
"É terrible o que está a pasar e quedan uns meses moi duros para a poboación palestina", relatou Mohamed Safa.
Emocionado ao contar e narrar o que se está vivindo en Gaza, Safa destacou a resposta do pobo español durante La Vuelta.
Cualificouna de "un exemplo de apoio e de repulsa ante unha situación insosteible que está a vivir o pobo palestino".
O acto comezou e finalizou coa música en directo de artista local Antón Ke, que entre os seus temas interpretou 'Paz e liberdade para Palestina'.