Stock Pontevedra, a feira de oportunidades de Zona Monumental, pechou as súas portas. Fíxoo, un ano máis, tras ser un rotundo éxito de público.
Miles de persoas acudiron ao Recinto Feiral desde o pasado venres para aproveitar os importantes descontos que máis de 70 expositores ofreceron aos pontevedreses.
Ofertas en téxtil, peletería, complementos, calzado, decoración, antigüidades, deportes, fogar ou óptica animaron aos clientes a pasar polo recinto expositor.
A afluencia, sen dúbida, viuse beneficiada pola choiva e o frío dos últimos días, sendo unha opción máis que interesante para pasar a tarde ao contar, entre outros servizos, cunha gardería gratuíta.