A Casa Real enviou un telegrama do Rey Felipe VI dirixido aos veciños de Cerponzóns para felicitarlles polo milenario desta parroquia.
O escrito remitido desde o Palacio da Zarzuela está dirixido a Juan José Esperón, representante da Asociación de veciños O Chedeiro, de parte "de Su Majestad el Rey".
"Con motivo de la celebración del milenario de la parroquia de San Vicente de Cerponzóns, deseo hacer llegar mi más cordial felicitación y enhorabuena a todos sus vecinos", reza o texto da misiva.
Despídese "Con todo afecto y mis mejores deseos para el futuro", e firma "Felipe R.".
Precisamente foi outro monarca Alfonso V quen cunha cita á parroquia pontevedresa de "Serpentiones" nun documento do 30 de marzo de 1019 establece a primeira referencia escrita a este núcleo de poboación.