A 58 edición do Rallie Rías Baixas celebrouse a pasada fin de semana nas estradas de distintas localidades do sur da provincia de Pontevedra baixo un amplo dispositivo de seguridade efectuado pola Comandancia da Garda Civil de Pontevedra sen que se producisen incidentes de importancia.
Segundo informaron fontes oficiais do Instituto Armado, na primeira xornada, axentes do grupo GIAT do Subsector de Tráfico de Pontevedra realizaron as verificacións administrativas dos vehículos, pilotos e copilotos participantes; cabe destacar que non se detectaron irregularidades técnicas.
Nas xornadas do venres e o sábado, a actividade policial se focalizó no control da seguridade dentro e fóra dos distintos tramos cronometrados do evento deportivo.
Dentro destes, non se produciron incidencias de gravidade. Fóra deles, as patrullas do Subsector de Tráfico centráronse en manter a seguridade viaria nos tramos de enlace.
Para este fin, controlaron a velocidade de 6.271 vehículos, empregando diversos cinemómetros móbiles, que detectaron 102 infraccións por exceso de velocidade.
Seis destes excesos foron cometidos polos propios participantes no Rallye.
Ademais, os axentes efectuaron outras 52 denuncias por diversas infraccións en materia de Seguridade Viaria.
A Garda Civil de Pontevedra resalta o "excelente comportamento dunha inmensa maioría do público e dos participantes deste evento deportivo, que non pode ser embazado pola irresponsabilidade dunha minoría que pon en perigo aos demais usuarios da vía".