O trasgo Gerardo, situado nos xardíns de Marescot, diante da facultade de Belas Artes, apareceu no chan este fin de semana.
Foi este sábado cando os primeiros cidadáns déronse conta de que a gran escultura de madeira do artista Santiago Castro Soage esborrallouse.
Fontes municipais indicaron que, de momento, non existe confirmación definitiva do ocorrido ao trasgo, pero "todo apunta" a que caeu como resultado da choiva e o vento.
Ademais, a base estaba podrecida polo paso do tempo e as inclemencias climatolóxicas, de modo que todo influiría no resultado final.
Este domingo, a escultura fora retirada do lugar.
O artisa Santiago Castro Soage realizou este trasgo a partir do tronco do Pseudotsuga menziesii ou abeto de Douglas retirado de diante do ambulatorio Virxe Peregrina no ano 2019.
Xa en 2023 detectárase que o trasgo corría perigo de esborrallarse pola deterioración que sufría a base, de modo que se instalou un reforzo metálico para garantir a estabilidade desta singular obra.
A obra tiña catro metros de altura.
