A residencia de maiores de Campolongo segue a ser centro de atención, tras a campaña de recollida de cartas con motivo das festas de Nadal. Nesta ocasión, este espazo residencial convertíase en escenario dunha divertida gala en homenaxe ás persoas usuarias.
Organizado por Francisco Papiri e por Chacho Iglesias, o evento contou coa dirección e presentación de Merce Pousada e do showman pontevedrés Rafa Córdoba.
Ademais, tamén participaron desinteresadamente outros artistas como La Morgan galega, Alexandra Carrera, Os Alegres de Mourente, Enrique Elvite e tamén, durante o acto, tiña lugar unha sesión de bailoterapia impartida por Baila con Gabi.