Unha vertedura de barro procedente da obra que se está executando enfronte do Hotel Terraza causou unha mancha de grandes dimensións na praia de Lavapanos.
Sucedeu na tarde deste xoves.
Segundo informou o Concello de Sanxenxo, o barro alcanzou o areal tras coarse por un sumidoiro de pluviais situado no recinto da obra.
Ata o lugar desprazouse a Policía Local e operarios da empresa concesionaria do servizo de abastecemento de auga, Espiña e Delfín, para comprobar a orixe da mancha.
A obra permaneceu parada ata que se freou a vertedura e tomáronse medidas que consistiron en reter a auga nunha balsa natural.