Facer fronte ao bullying e ás distintas modalidades de acoso escolar é un dos retos aos que deben enfrontarse a diario as comunidades educativas. E no colexio Doroteas de Pontevedra teñen claro que para iso non hai nada mellor que a concienciación.
Por iso é polo que nos últimos días organizasen unha serie de actividades, para conmemorar o Día Internacional contra o Acoso Escolar e que todo o seu alumnado coñeza esta realidade.
Desde o centro sosteñen que cada un dos membros da comunidade escolar "ten un rol á hora de deter o acoso" e que, en lugar de aprobar o silencio ou animar aos acosadores, hai que apoiar á vítima "transmitindo así que non aceptamos o acoso".
A través destas actividade, polas escaleiras do colexio colocáronse frases positivas para enfrontarse ao acoso, de forma que os menores reflexionen sobre elas e se conciencien de que "o cambio está nas nosas mans e unidos podemos facelo posible".
Ao final da xornada, todos os alumnos e alumnas do centro, desde Infantil á ESO, reuníronse cos seus profesores no patio para un evento lúdico e reivindicativo.