Un veciño de Cuntis sufriu queimaduras este luns ao tentar apagar un incendio que se declarou nunha pila de leña da súa propiedade en Cuntis.
O home foi trasladado por unha ambulancia do 061 ao Hospital Montecelo de Pontevedra. Así o confirmou o alcalde, Manuel Campos, que se trasladou ao lugar do lume desde o primeiro momento.
O incendio comezou sobre as 13.15 horas deste luns no lugar de Furco, na parroquia de Arcos de Furcos.
As lapas comezaron nunha pila de leña amontoada nunha propiedade.
Para a súa extinción, desprazáronse ao lugar o servizo municipal de Emerxencias de Cuntis, o Grupo de Emerxencias Supramunicipal dA Estrada, Protección Civil de Cuntis, a Garda Civil e un amplo despregamento de medios da Consellería de Medio Rural.
Así, foron mobilizados unha cuadrilla, un axente forestal, catro motobombas, un tractor cisterna e unha pa.
