A Policía Local de Sanxenxo instrúe dilixencias penais contra un veciño da localidade por presuntamente conducir un vehículo cunha suspensión xudicial vixente.
O ocurioso deste caso é como descubriron os axentes municipais a este condutor.
Segundo explicaron desde o Concello de Sanxenxo, este veciño fixo un "sinpa" no aparcadoiro público Nauta Sanxenxo. É dicir, marchouse do aparcadoiro sen pagar o servizo.
Os feitos tiveron lugar na madrugada do sábado cando os responsables do aparcadoiro do porto de Sanxenxo alertaron á Policía Local de que un vehículo abandonara as instalacións sen abonar a taxa correspondente.
Os axentes acudiron ao lugar en calidade de Policía Xudicial tras o aviso dos responsables do estacionamento.
Ao consultar as cámaras de seguridade os axentes puideron comprobar a matrícula do vehículo, identificado á súa vez ao condutor investigado.
A pena por conducir un vehículo co permiso ou licenza suspendidos por decisión xudicial é de 3 a 6 meses de prisión ou multa de 12 a 24 meses ou traballos en beneficio da comunidade de 31 a 90 días.