Un total de dez persoas serán as que contrate Vilaboa, con cargo ao Plan Concellos da Deputación de Pontevedra que, ao igual que o ano pasado, destina unha das súas liñas a este tipo de contratacións para que os municipios da provincia poidan manter e garantir os seus servizos.
En concreto, para pagar a estes dez traballadores, a Deputación destinará 111.560 euros. Así se acordou na Xunta de Goberno deste venres.
Con esta aprobación, e coa da xuntanza anterior celebrada o 23 de xaneiro, a Deputación leva investido xa 933.000 euros nesta liña de acción, o que supón o 10,06% do investimento asignado e 113 persoas empregadas en oito concellos da provincia.
Carmela Silva recordou que este ano a achega total da liña tres do Plan Concellos é de 9.270.000 euros, o que supón o 22,5% do total dun programa que ascende no 2017 a 41,2 millóns de euros.