A Xunta de Goberno Local de Vilagarcía aprobou este luns o convenio cos propietarios do solar do antigo Liceo Marítimo, na praza de Xoán XXIII.
A obra converterá as súas 1.936 metros cadrados nun aparcadoiro disuasorio público e gratuíto cunhas 80 prazas.
O custo do aluguer da leira será de 100 euros mensuais, que pagarán nunha soa cota de 1.200 euros ao ano. A cifra é similar ao IBI que pagan os donos.
A fórmula é a mesma á estratexia Vaicar!, que compensa o IBI vía aluguer mentres o solar non se edifique, incluíndo unha cláusula para a recuperación inmediata sen indemnización, como acaba de ocorrer en Escardia.
Desde a súa posta en marcha, en Vilagarcía creáronse 2.4000 prazas, que serán aínda máis cando o Concello complete a compra dunha parcela no Carril e se execute o novo convenio nos Duráns.
Esta actuación beneficia os propietarios, que terán unha rendibilidade mínima fronte a impostos, e á cidade, que gañará en mobilidade sostible.
O alcalde, Alberto Varela, defende que cando estes aparcadoiros temporais se convertan en edificios, paliarán o problema da vivenda e crearán, ademais, garaxe nos sotos.
Trátase, nas súas palabras, dunha iniciativa "acertada, socialmente xusta e estruturalmente sostible".