As imaxes que deron a volta ao mundo, a mobilización en Bilbao en solidariedade con Palestina que logrou paralizar unha etapa de La Vuelta, poderían repetirse en Galicia.
Diversos colectivos e organizacións sociais, liderados pola asociación Galiza por Palestina, convocou acto de protesta contra a participación nesta competición ciclista do equipo Israel-Premier Tech. Serán durante o tres días que a proba percorra estradas galegas.
"Israel fóra de La Vuelta. Non ao apartheid. Non ao xenocidio. Denuncia, boicot, mobilización!", di o cartel co que Galiza por Palestina chama a repetir nesta comunidade as protestas que se foron sucedendo nas diferentes etapas desta volta ciclista.
Os convocantes sosteñen que a participación do Israel-Premier Tech na rolda española "é un intento máis de lavar coa bandeira do deporte a realidade do apartheid e o xenocidio contra Palestina", polo que chaman a levar bandeiras palestinas aos puntos de meta.
Ademais, animan a que esta presenza se repita noutros puntos sinalados e que, en todo caso, se graven todas estas accións para logo difundilas baixo a etiqueta #BoicoteIsrael.
As protestas irán tamén contra a organización de La Vuelta, á que acusan de que ao aceptar a participación do equipo israelí "ten as mans manchadas con sangue palestino".
"Non no noso nome. Non aceptamos que se empregue o ciclismo nin o diñeiro público para normalizar a limpeza étnica e a ocupación ilegal", conclúen desde Galiza por Palestina.
Serán tres as etapas de La Vuelta en Galicia, a primeira delas este domingo 7 de setembro, cando percorrerá gran parte da provincia de Lugo antes de concluír en Monforte de Lemos.
O luns será día de descanso, antes de partir novamente o martes 9 desde Poio até o Castro de Herville, en Mos, nunha etapa que transcorrerá integramente pola provincia de Pontevedra.
A estancia de La Vuelta en terras galegas concluirá o mércores 10 cunha xornada que terá saída no Barco de Valdeorras (Ourense) e acabará no Alto do Morredero, xa en Ponferrada.